السلام عليكم ورحمة الله وبركاته

تعالت الزغاريت فرحاً لاستلام الوثيقه .. واستبشرت العائله خيراً بهذا التخرج.. فالكل يرسم ويخطط على وظيفتي المستقبليه.. لانها ستدعم اقتصاد العائله..وستوفر احتياجات كثيره تم الاستغناء عنها من سنين


ولكـن تمر الشهور شهر تلو الاخر وتتوالى الصدمات.. اما بالرفض او بشرووط تعيجزيه ...
فالرفض لعدم وجود خبرة

والشروط التعجيزية ..قد تكون سهلة لدى البعض ..لكن كانت صاعقه بالنسبه لها.. وهذه امثله بسيطه لواقع مرير تعيشه الكثير من الفتيات..






-----------------------------------------

المكان : شركه مرموقه

الزمان: سنه من سنين العطاله الكئيبه

الاحداث: هدوء قطعه رنين الهاتف الجوال

نوف: الو

ساره: وينك يابنت ماقريتي الجرايد اليوم

نوف: ليه وش فيها؟؟

ساره: وظائف روعه رواتبها فوق الست الالف وشروطها تنطبق علينا

نوف: وين التقديم؟

ساره: شركة***

نوف: طيب بكره بإذن الله بروح




وتمر الساعه تلو الاخرى وترسم نووف امالها على تلك الوظيفه

الى ان تأتي ساعة التقديم فتدخل الاخت نوف على مسؤل التقديم

نوف: بقدم اوراقي بخصوص الوظيفه المعلنه

مسؤل التوظيف: ياخذ الاوراق ويضعها جانبا
ويقول: اوراقك كامله لكن في شرط اساسي لتوظيف عندنا

نوف: ايش الشرط.؟؟

مسؤل التوظيف: تكشفين هذا الشرط الاساسي وتكونين لينه مع الموظفين
والمتصلين تاخذين وتعطين معاهم..

تتفاجأ نوف..!
وتسود الدنيا في وجهها
لكن اصراراها على الحفاظ على مبادئها يمنعها من الرضوخ لتلك الشروط..


القصة واقعية واعرف اصحابها شخصيا ..

خريجات جديدات من الجامعة.. على كفاءه عالية و معدلات عالية ماشاء الله كلها فوق 4 من 5 و معهم شهادات حضور في محاضرات عن مجالهم ..

و ايضا يحضرون ورش اعمال ..ولغتهم الانجليزية متوسطة ..ومعرفتهم في الحاسب كذلك..

كل يوم من أيام الصيفية كانوا يدورون وظيفة حتى تكلل نجاحهم الدراسي بنجاح عملي ع أرض الواقع ..

مر 3 أشهر وهم على هذه الحـالة ..

جاهم خبر من صديقة لهم انو سمعت عن رجل اعمال يبي يسوي اكبر مشروع في الشرررررق الأوسط ..

شي جميل خبر مفرح يا سلااااااام جا الفرج من عندك ياربي..

ايش مشروع رجل الاعمال هذا اللي اسمه (ن) فلل !!

كل فلة فيها مشروع للنساء ..

الفلة الأولة خاصة بـالرسم التشكيلي ويمسكونها بنات المتخرجات من الفنية ..

الفلة الثانية خاصة بالادارة وفيها يدربون البنات ع اسس الادارة وفنونها ..

والفلة الثالثة ...انجليزي .. والخ ..

11 فلة ..

المهم قررت ثنتين منهم يروحون هناك ..

البنت : الو استاذ (ن)

(ن) : تفضلي ..

البنت : سمعت عنك انو انت ........... هل مجال التوظيف مفتوح حاليا ؟!

(ن) : اكيد ..

البنت : متى طيب المقابلة ؟؟

(ن) : مممممم الساعة 9 بعد العشا..!

البنت : :| مممم اوكي ..

..

جا من بكرة وجت البنت بسسسس مع ابوها (ياعيني ع المخ ) عارفين وين مكان المقابلة !

طبعا في مقر العمل (الفلة) لوول..

الفلة كانت الخاصة بالتشكيل الفني ..البنت ع لسانها تقول الرسم خايس جدا ..وما يستحق يسمى فن رسم ..

كأنه رسم ابتدائي اللي يعلقونه على الثلاجة ..

الزبدة ..

وداهم المكتب ..

تقول البنت الاوراق حقت التوظيف مرمية على الارض والمكتب كله غبااااار وواضح انه ما تمسك من كم شهر ..

والرجال ثوبه حالته حالة .. واقرب ما يكون للأسود من شدة النظافة ..

المهم ..

يبدأ كلامه بأنه مليونير..وهي تطالع في الثوب ..هممم واضح ..

وانا عندي قصر وخليته متحف للأعمال الفنية ..

وانا عندي مجلة اسمها (سيدات الاعمال)

لكن انا متواضع عشان كذا ما يبان علي النعمة ..

وكل البنات وظايفهم فوق الـ 6000 ..!


وكل وحدة لها مكتب ..ابغاكم تشترون مكاتبكم على كيفكم وخذوا عليها فاتورة وعطوني اياها عشان اعطيكم ثمنها ..

وهي طالعة برى ..

تشوف بنات وتسألهم عن طريقة الوظيفة ..(لاحظوا البنات موجودين للساعة 9 ) يقولون لها بصراحة في البداية تخوفنا من الموضوع

بعدين سألنا عنه ولقينا انه جدا محترم ..والرواتب مغرية ..

وجته بنت بعدها مع اخوانها وبرضو نفس الكلام ..وتطلع من المقابلة ويجونها بنات يطمنونها من اللي يشتغلون (تابعين له)

البنات اذكياء ..!!

قالوا واضح جدا انه نصاب لكن لازم نتأكد ..ويسألون وراه .. !

المجلة اولا !! غير موجودة ابدااااا ..

ثانيا ..طلعت عليه قضايا اخلاقية ونصب و احتيال سابقة..وهو متسعود..

ويقتحم على البنات مكاتبهم ..وهو فاقد (سكران) ويصورهم ..ويجيب اصحابه ..

ويستغل حاجتهم للوظايف فأغلب البنات اللي اشتغلوا في البداية معه يعانون من الفقر ويصرفون على بيت كامل ..

فيشوفون فيه وفي اكاذيبه فرصتهم الكبيرة لين يكتشفون حقيقته ..


المكان: شركة اخرى
الزمان: لااهمية له
تفاصيل الاحداث: تستبشر هند خيرا من اعلان
وظيفي في احد الجرائد لاحد الشركات المعرووفه
فترسل اوراقها على الفاكس المعلن..


وبعد يومين
اذ رساله تصل الى جوال هند..



السلام عليكم
الاخت هند.؟
معك مسؤل التوظيف في الشركه
الرجاء منك الرد على اتصالي لامر ضروري يخص التقديم

تبادر الاخت هند بالرد على المسؤل

المسؤل : السلام عليكم

هند: وعليكم السلام نعم اخوي في اشكاليه بالتقديم..؟

المسؤل : لا مافي اشكاليه بس بصراحه السي في تبعك روعه

وتستحقين الوظيفه وزي مانتي عارفه ترى الوظيفه في اختبار وظيفي لها
فحبيت اسلمك اسألة الاختبار
بس ما اعرف كيف اسلمك الاسئله؟

هند: كيف تسلمني ؟!

المسؤل: اختاري اي مكان يناسبك اسلمك فيه الاسئله وعلى فكره ترى الاسئله بس لك حصريا لاني انسان ماحب المشاكل

هند: انت ماتخاف الله تستغل احتياج البنات للوظيفه..؟؟

المسؤل:ما توقعتها منك..

كنت اتوقعك مثقفة
على العموم رح تبقين مكانك دام افكارك كذا ..

هند: تغلق الهاتف لكنها لم تسلم من ازعاجات المسؤل بالرسائل والاتصالات اليوميه اليوميه..


وغيرها الكثير الكثير من القصص اليوميه ..



فـ الى متى يستغل احتياج البنات للوظائف من قبل ضعيفي النفس..؟؟

واين دوور الرقابه الوظيفيه من مثل هذه الفئه..؟؟

واين دور اصحاب الشركات من موظفي قسم التوظيف..؟؟