اجتمع عليها هم الكبر وهم العقوق .. أم حزينة بعد هذه السنين من الإخلاص والتضحية لابنها لتلقى جزاءها " دار العجزة "

أبيــــات مؤثـــــــــرة جدااااااااااا
لأم تشكي حالها كئيبة محزونة بعد أن رماها ابنها في دار العجزة

أو كما يقال " دار النسيان "

[poem font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وين انت يا حمدان امـك تناديـك = وراك مـا تسمـع شكاي وندايـــا
يا مسندي قلبي على الدوم يطريـك =ما غبت عن عيني وطيفك سمايـا
هذي ثلاث سنين والعيـن تبكيـك =ما شفت زولك زايـر يـا ضنايـا
تذكر حياتي يـوم اشيلـك واداريك = والاعبـك دايـم وتمشـي ورايـا
ترقد على صوتي وحضني يدفيـك= ما غيرك احدٍ ساكن فـي حشايـا
واليا مرضت اسهر بقربك واداريك = ما ذوق طعم النوم صبـح ومسايـا
ياما عطيتك من حنانـي وبعطيـك = تكبـر وتكبـر بالأمـل يـا منايـا
لكن خساره بعتني اليـوم وشفيـك = واخلصت للزوجه وانا لي شقايـا
انا ادري انها قاسيـه مـا تخليـك= قالت عجـوزك مـا ابيهـا معايـا
خليتني وسط المصحه وانا ارجيك = هذا جزا المعروف وهـذا جزايـا
" يـا ليتنـي خدامـة بيـن اياديـك= من شان اشوفك كل يوم برضايـا "
مشكور يا وليدي وتشكر مساعيـك = وادعـي لـك الله دايـم بالهدايـا
حمدان يا حمـدان امـك توصيـك = اخاف من تلحق تشـوف الوصايـا
اوصيت دكتور المصحه بيعطيـك = رسالتـي واحروفهـا مـن بكايـا
وان مت لا تبخل علـي بدعاويـك = واطلب لي الغفران وهـذا رجايـا
وامطر تراب القبر بدموع عينيـك = ما عـاد ينفعـك النـدم والنعايـا[/poem]

المشاركة الأصلية كتبت بواسطة ابو راكان 13 أخي السامر اشكرك جزيل الشكر بس اين الابيات

المشاركة الأصلية كتبت بواسطة نجاة محمد هلا اخي السامر وحياك الله كلما زرت دار المسنات بالدمام ، اتعب نفسيا من عقوق الأبناء ، حكايات تبكي الحجر فما بالك بأنسان ضعيف ، وادعوا الله انا يبارك في ابنائي فالكبر شين