احلى محادثة ^_^ - منتديات الوزير العامة alwazer is an Arabic minister forum with topics

**احلام منسيه** · 04 Dec 2007, 05:41 AM

مكالمة ماسنجريه تضحك هي طويلة حبتين بس كملوها للاخر تراني بزعل

المهم أخليكم مع المحادثة

يوم السبت تلقى أحمد هذهــ الرسالــة >> ترغب عبير فى الانضمام اليك هل تود استضافتها ؟

أحمد : حسبي الله عليكــ من كمبيوتر ما قلتلك أي بنت اقبلها وانت مغمض يالله انك تحييها يا هلا ومرحبا

أعوذ بالله قحط فى هالماسنجر و لا بنت يالله عشان نشوف منهي >> مسوي نفسه ثقل

يوم الأحد >> طول اليوم شابك على المسنجر أبشوف منهي >> انعمت عيوني من الشاشــة

وبعد خمس ساعات>> قامت عبير بتسجيل الدخول

أحمد مسوي نفسه ثقيل وهو يحترق يبغي يشوف منهي وكم عمرها ومن وين ووووو ؟!!

عبير : سلالالالالالام

أحمد :هلالالالالالا

عبير: شلونكــ ؟!!

أحمد : الحمد لله

عبير : حركات على بالك لبناني

أحمد: أنا أحلى من اللبنانيين لا تحقرينى

عبير : لا يا شيخ من تشبه

أحمد: أشبه الشمس فى عز الظهر و أشبه القمر ليلة 14

عبير : أقول يا أحمد

أحمد : ياعيون أحمد

عبير : ليش أنت بطيء و ما ترد بسرعة .. معك أحد غيري

أحمد : :لا لا لا والله ما معي أحد

عبير: ترى بسكر المسنجر

أحمد: لا تكفين شوي بس شوي خلينا نسولف

عبير : طيب قول لي نكتة

أحمد: طيب فيه واحد دايم يجى لبيتهم متأخر وطرده أبوه من البيت

راح وكتب على البيت لوحة : سكن أمريكان عشان يفجرونه << أحس النكتة بايخة

عبير: هههههههههههههههههههههههههههههههههههههههههه

يا حبي لك يا أحمد أنا أموت فيك ..

أحمد: وش تقولين ؟

عبير : قصدي يا خف دمك

أحمد: أحسبك تقولين شي ثاني

أحمد: آهــ آهــ آهــ

عبير: وش فيك سلامات

أحمد: قلبي قلبي ياعبير بدى يحب

عبير: بس توه بدا يحب

أحمد : توه دل دربه بس

عبير : أنت وش فيك تتأخر فى الرد

أحمد: تونى متعلم الكتابة و أكتب باصبع واحد

اللي كان بريال و ألحين غلا صار بواحد و أربعين ريال

عبير : بعد ما شاء الله تناقش بالاسعار !!

أحمد: لا مالنا ومال السياسة من قال أسعار الله يهديج بس !!

عبير : ما علينا بس أحسبك مشبك مع وحدة ثانية وقاعد تكلمها << من أول يوم تغار

أحمد: تطمني كان عندى ثنتين من شهر أكلمهن وحدة ملت مني تقول بطىء

والثانية قالت لي: ياثقل دمك ما عندك ذوق لأنى قلت لها يا دبة

وقالت ترانى أبحذف اسمك من المسنجر لانك ما عندك ولا كلمه حلوه تخلينى انجذب لك و راز اسمك قدام

اخواتي فى المسنجر مثل المنظر!

عبير : خلاص أنا زعلانة منك ليش كلمت غيري

أحمد: يعنى انتي اللي ما كلمتي

عبير : أنا كنت أكلم عشرة مو واحد

أحمد : عشرة وأنا معهم و الا تسعة و أنا العاشر

عبير : يا خي يا غبي
( كل الاعداد اللى تقولهم مجموعهم عشره )

أحمد: قصدي 10و الا 11 يعني

عبير : ممكن تغير الموضوع يا خي

أحمد : وألحين كم تكلمين ؟!!

عبير : واحد يحبني ويموت فيني

والثاني غبي بس خفيف دم

أحمد: أنا الاول و الا الثاني أنا مشبه على الأول بس حاس أني الثاني و متأكد أني الأول

اللي تحبينه و ودي اقول أنا الثاني عشان تقولين صح

عبير : أحمدووووو تراك ضيعتني

وش فيك أنت معد تجمع ولا وش فيك !!

أحمد: آه بس آه

عبير : سلامتك من الآه

أحمد: عذاب الحب

عبير : ليه عذاب؟

أحمد: يقطع الحب وساعته

عبير : حبيبي أنا أستأذن

أحمد : أفاااا بدري ما اتفقنا على شي

عبير : يا عمري أمي فوق راسي تبغاني أسكر

عبير : باااي باااي جاء أخوي الكبير

أحمد : و الله حسافة !!

عبير : بكرة نفس الوقت هذا .. بااااي عمري

و من بكره اللي يوافق يوم السبت

عبير : مرحبا

احمد : مراحب ياهلا هلالالالالالالالالالالالا

عبير : عمري و شلونك

أحمد :هلا و الله و مسهلا

عبير : أنا زعلانة عليك

أحمد : ليش بس وش سويت أنا

عبير : غن لي أغنية عشان أرضى عليك ممكن بس لحظة أبحط التحدث وتغني لي ..

أحمد: لا لا صعبة والله صوتي مو حلو

عبير : لا والله صوتك حلو بس بس يالله غنى لى وترى ماراح اسمعك صوتى الين تغنى !!

أحمد: آه بس أمرنا لله وحطينا التحدث

وقلت لها ممكن بس أسمعك تقولين حبيبي, .

وكتبت لي لا لا مو ممكن !!

و كتبت لي يالله غني أي أغنية ..

أحمد : يبدا يصدح بالصوت العذب ..

هيه يا رمانه .. هيه يا رمانه

والحلوة زعلانه والحلوة زعلانه

مين يراضيها مين يراضيها

انا اراضيها وبروحي افديها

بس مالاقيها فى يوم زعلانه

يا روحي يا عمري يا حبي العذري

مليت من صبري و الروح ولهانة

والروح والهااااااااااااااااااااااانه

عبير : تسلم يا بعد كل الدنيا

أحمد: الله يسلمك بس تكفين ودي أسمع صوتك ..ممكن !!

عبير : مرة ثانية أنا عندي أخوي الصغير وما أقدر أتكلم بس أكتب لك

أحمد: يعني أخوك الصغير سمع صوتي

عبير : ايه سامع صوتك و أنت تغني يقول صوته حلو يحسبه مسجل يقول عيدى الشريط !!

أحمد : الله يعافيه اللي مدح صوتي .. << ما صدق ههههههههه

عبير: ممكن تغني لي ما لي فى ها الدنيا سواك حقت راشد الماجد

أحمد: ما تلاحظين ياعمري اني عطيتك وجه !!

عبير : نعم نعم عن الغلط بس

أحمد: أمزح أمزح لا تزعلين والله أمزح

عبير : أنا فرحانة أنك تغني لي و أنت تهزئني صحيح أنك أحمدوو ما تصبر

مثل ما قالت صديقتى اللي عطتني المسنجر حقك ؟

أحمد: آسف و الله آسف يالله أغنيها لك عشان ما تزعلين

ويللى يا ويلى ويلى يا ويلى اه يا ويلى اه يا ويلى

مالي فى ها الدنيا سواك مالي في ها الدنيا سواك

كفايه جروح ياروح الروح كفايه جروح

حبه ابي ياناس ابي قربه وبروحي اشتريه

آسف والله ترى ما حفظتها مررره

أحمد: أقول صلاة الفجر ألحين وش رايك بكره قبل موعد اليوم بشوي << من ايمتا صلاة الفجر

عبير : لا لا نتواعد أنا وياك نتغدى سوى بكرة

احمد : لا لا لا ما يصير مو معقول الكلام هذا ....... احلفي انك صادقه !!

عبير : و الله أتغدى أنا وياك والوالده سوى

أصلا كل يوم اتغدى أنا وياك سوى

أحمد : يا ويح قلبي ... من معي

عبير : أنا أخوك الصغير يا غبي

والله لأعلم أمي عليك
و تحول الحلم إلى سراب و تحول الفرح إلى قهر و تهديد من صغير ..

وتحول وجه أحمد إلى ( خبزه محترقه )

آخرتها طلع أخوه الصغير الي يصغره بسنتين الله ما أحلى المقلب

:
:

? ? ما يستفاد من الموضوع ? ?

1- لا تضيفــ أي ايميل ما تعرفــه

2- لا تاخذ و تعطي مع أي حد من أول يوم

3- قول لصاحب الايميل اللي ضايفكــ اذا ما قلت لي من أنتــ بسوي لكــ بلوكــ و ديليتــ

<< إذا يعرفكــ و يبغي يكلمك ضروري ما بيلعبـ عليك

4- اذا ضافكــ ايميل جديد راقبــ اخوانكــ و كل الأجهزة اللي في البيتـــ هههههههههههههه

تحياتي

**azizz5** · 05 Dec 2007, 07:15 PM

حلوووووووووومه

هههههههههه

حلوة

يارب استر

لاحد يلعب علينا

خخخخخخخخخخ

والعاب عارف نفسه

كع كع كع

**احلام منسيه** · 05 Dec 2007, 08:23 PM

تسلم عزوووز على المرور الحلو

ولازم تتاكد قبل ما تحكي اي شي بالمسنجر

كع كع كع

تحيـــــــــــــــــــــــــاتي

**أنا سالي** · 07 Dec 2007, 12:43 PM

مشكورة اختي الفاضلة يعطيكي العافية

**احلام منسيه** · 08 Jan 2008, 06:08 PM

الله يعافيكي سالي ومنوره الموضوع

تسلمي على المرووور

**احبه حيل** · 15 Jan 2008, 12:24 AM

روعة و قوية كمان , تسلمين

**احلام منسيه** · 15 Jan 2008, 09:41 AM

تسلمي احبه حيل على المرور اللطيف

تحياتي لكي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

LinkBacks (?) LinkBack to this Thread: http://vb3.alwazer.com/t8255.html
أرسلت بواسطة	For	Type	التاريخ
وزارة السوالف العامة وسعة الصدر والترفيه والطرائف والمرح والفكاهه والضحك والفرفشه والنكت والصرقعه - منتديات الوزير العامة	This thread	Refback	23 Jan 2008 04:59 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تطبيقات قوقل محادثة	أنا سالي	وزارة قوقل Google	0	05 Jun 2008 12:53 PM
الاهلى يفوز على الترسانة 1/صفر ويواصل زحفه نحو الاحتفاظ بلقب بطولة الدورى	لودى شموخ عزي	نادي الأهلي المصري Egyptian club Al-Ahli	0	17 Apr 2008 06:53 AM
احلى اعتراف .....إلا احلى طرده	لودى شموخ عزي	وزارة سعة الصدر والترفيه والمرح والفكاهه والصرقعه	0	05 Apr 2008 06:36 AM
جميع أسماء لاعبي النادي الأهلي من 1907 للان	لودى شموخ عزي	نادي الأهلي المصري Egyptian club Al-Ahli	0	07 Mar 2008 09:37 AM
قصة الخباز مع الامام احمد رحمه الله	جواهر	الوزارة الإسلامية The Ministry of Islamic	1	22 Nov 2007 11:39 AM