| خالد عنده محل بيع أجهزة تجسس. تمام
يبيع في هذا المحل كل شي يجي على بالكم من الكاميرات للمايكروفونات.
من الحاجات اللي يشتروها الناس بكثرة أشياء شكلها زي الحاجات العادية اللي عندنا في البيت (علبة حليب نيدو, كرتون مناديل, كتاب, مزهرية).
هادي الحاجات شكلها عادي بس ممكن يندس جوتها غرض (فلوس, كرت فيزا, خاتم ذهب, مفاتيح).
طارق واحد من الزباين وفي ثلاثة زباين تانين اشتروا من محل خالد في نفس اليوم.
ولا واحد فيهم أشترى نفس الشي.
تقدروا من المعلومات اللي راح أديكم هي, تعرفوا مين ساكن فين وأشترى إيش عشان يدس إيش؟
الزبائن: طارق , رامي , وائل , حسن
المدن : الرياض ومكة و جدة و الدمام
المشتروات : مزهرية , علبة حليب نيدو , كتاب , كرتون مناديل
الأغراض : خاتم ذهب, مفاتيح , فلوس , كرت فيزا
1- لا رامي ولا اللي ساكن في مكة اشتروا غرض عشان يدسوا خاتم ذهب
2- الغرض اللي شكلة زي علبة الحليب النيدو ما اشتراه اللي من الرياض ولا كان عشان إخفاء الفلوس أو المفاتيح
3- رامي ما أشترى الكتاب
4- اللي كان يبغى يدس كرت الفيزا ما كان رامي ولا وائل
5- حسن ما اشترى علبة الحليب النيدو
6- علبة الحليب ما اشتراها اللي من الدمام
7- اللي من الدمام ما اشترى الغرض عشان يدس الخاتم
8- وائل مو من جدة و ما كان يبغى يدس المفاتيح
9- اللي كان يبغى يدس المفاتيح برضو مو من جدة
10- اللي اشترى المزهرية ما كان من الرياض ولا من الدمام
11- لا وائل ولا رامي اشتروا الغرض اللي شكلة زي كرتون المناديل
الفكرة مقتبسة من مجلة "official variety puzzles and word games"
*****
مع خالص حبي
انتقام الكبرياء |
مين يقدر يحلها ؟؟؟؟؟؟؟؟؟ 
.gif)
.gif)
العرض العادي
