السلام عليكم ورحمة الله وبركاته


قبل كم يوم شفت لي مشهد محزن للغايه وأثر فيني بصراحه وحبيت اطرح موضوع بهذا الشأن

طبعا كلنا نعرف عن تعامل بعض الاباء مع أبنائهم سواء كانو عيال ابو بنات

قسوه...ضرب.....سب.....شتم.....عنف لأبعد الحدود

طبعا ظاهره خطيره وهي متواجده ولكن نقول ان شاء الله انها قليله

يعني بعض الاباء يفكرون أن الضرب هو وسيلة التربيه الاساسيه والحقيقيه لك طفل أو طفله

وهم فيهم المتعلم واللي درس وربما بعضهم جامعي أو دكتور أو له منصب مرموق ومحترم

لكن نشوف بعض تعامل الاباء سيء للغايه ولا يعتبر تصرف انسان له قلب وأحساس

ومن الظواره مثلا نشوف اب يصحي ابنه سواء للصلاه او لغيرها برجله مثلا او بأي تعامل قاسي وغير انساني


وربما بعض الاباء متأكد ان لازم التعامل مع ابنه بهذي الطريقه والا ابنه مايكون متربي صح

ويفكر ان القسوه على قولهم تطلع رجال

هو صحيح ان الدلع الزايد يخرب تربية الولد بالذات لكن لا افراط ولا تفريط

طبعا انا ما اخفيكم اني شاهدت مشهد يوم الثلثاء الصباح يوم كنت أودي خواتي للمدرسه

ومريت وانا بعد ماوصلتهم من عند مدرسه ابتدائي بنات الا يوم شفت اللي ماسك العقال بيده

ويضرب بنته الصغيره حيييل بالعقال يرفع يديه فوووق ويضربها


والبنت المسكينه تصارخ بأقوى صوتها

والمشكله والمصيبه البنت أولى أبتدائي من خلال جسمها

طفله صغير ويضربها على باب المدرسه بعقاله ولا في قلبه رحمه الجبار

شوفوا شلون التعامل بكل قوة قلب وقساوته

والله حتى لو كان يهودي ما يسوي كذا

والمشكله ما تركها الا جاه احد الرجال وقاله حرام عليك ياشيخ عاد انا مشيت ما وقفت لكن والله قهرررررررررني من جد

يعني مثل هالتعامل الاب وش يعتقد بسواته هذي

البنت بعد هذي اللحظه تتعقد نفسيا وتنحط شخصيتها ويمكن تجيها عقد نفسيه مالها علاج

وتهتز ثقها ويجيها الخووف والرعب وصعب أنه يروح منها

وكمان ضرب أمام زميلاتها ولسبب لأنها اتوقع مارضت تدخل المدرسه

والله حتى الحيوانات أكرمكم الله ماتسوي كذا وهي بدون عقل فما بالكم بهؤلاء اباء



قبل يمكن سنه أو ستين كانت مقابله مع الدكتور ميسره طاهر في برنامج مستشارك

وقال أكبر ابنائي عمره 16 سنه والله اني في حياتي ضربته مره وحده فقط وهي الضربه الوحيده

وهو طبعا دكتور نفساني ومتأكد ان الضرب مستحيل يكن وسيله للتربيه

بل بالعكس وسيلة لتدمير الابن من جميع النواحي

وهذي لها بكل تأكيد لها اثار جانبيه على الابن يوم تضربه بكل قوه وقسوه

التبول الليلي أرمكم الله من أسباب الخوف والضرب

سوء الكلام والتلعثم من اسبابه الضرب وتخويف الابن

اهتزازا الشخصيه وعدم الثقه بالنفس سببها القسوه والضرب وخصوووووصا اذا كان اما م الناس سببه رعب الأبناء من والديهم

اسباب الانحراف سواء للبنات او الابناء من شدة قسوة بعض الاباء وارعاب ابنائهم فيلجأ لأي طريق يبعده عن البيت وابوه

وغيرها كثييييييييييييييييييييييير كثير


يعني بعد هالاثار وش تتوقعون الابن تكون شخصيته أو البنت
اكيد من سيء الى اسوأ

عاد انا أحب بعد هالكلام اسألكم بعض الاسئله لتشاركوني في الموضوع

وش تعتقد أ تعتقدين سبب قسوة بعض الاباء على أبنائهم ...هل هو ضعف في الشخصيه ام ماذا؟؟؟؟

برأيك هل وسيلة الضرب والرعب للأبناء من وسائل التربيه؟؟؟؟

هل انت مؤيد لضرب الاباء لأبنائهم لتربيتهم؟؟؟؟

ماهي ردت الفعل اللي تتوقعها من ابن عايش تحت ظلم وجور ابيه؟؟؟؟




وفي الاخير اتمنى الموضوع يعجبكم وينال اعجابكم


وروعة الموضوع ما تكتمل الا بآرائكم ونقاشكم أتمنى التوفيق للجميع



منقول