| اقسم بالله ايام ولا احلى
يمكن تستغرب او تستغربين وش مسكها معي اتكلم عن الروضه
لاني فعلا اذكر فيها اشياء حلوه جدا واذكر اشياء مغبون منها الين الحين
قبل ماابدا احب اعطيكم خلفيه عن الابطال
طبعا الفصل اسمه
سندباد<---وش زينه
وجنب فصلنا كان فيه نعمان
واللي جنبه من الجهه الثانيه اسمه ميسون
فصل ميسون عندهم ابله خديجه وهذي محد يدانيها من تعاملها مع الاطفال الابرياء اللي هم نحن سابقا
وفصلنا فيه الغاليه ابله ابتسام
وفيه عصابتي
وهم
1 مفقووش 
2 ماجد
3 بندر المغربي
4 خليفه الراجحي
5 زينب
6 عهود
زينب وعهود خوات وهم توام
بصراحه منيب متاكد من اسم عهود
بس زينب متاكد<----شكله يحبها 
المهم
القصه
كالعاده الاطفال يلعبون ويلهون
وكان جدولنا في الصبح نروح نشوف توم وجيري في تلفزيون كبر جدي وانا كان يشدني اشياء كثيره في الروضه
1 الاصحاب
2 افلام الكرتون
3 ابله ابتسام وتعاملها الفنان مع الاطفال من معزتي لذا الابله كنت اراقبها وابي اشوف من زوجها وكيف شكله
وشفته مره وانصدمت وقلت في خاطري ورى مايتزوجها ابوي ازين لها من ذا الشيفه الطفران هو ويا السياره السوداء اللي مصقعه مع كل جهه وباين الحمار الداخلي للسياره<------والله لو درت عني امي كان صفقتني مع اني احب امي اكثر بس مدري ليش كنت ابي ابوي يتزوجها
الظاهر كان كابرس تسعاوي<---حشا كل هذي رقم 3? 
4 العاب السيارات اللي اسوقها
الروضه كلها تشتكي من المفقووووش
والماما مسكينه كل ماشافت ملف الروضه تطالع فيني وتقول ياانك بهذلتني انا ويا ابوك في هالروضه بهذله
طبعا المديره وابله خديجه هذي اللي مابعد خشت لي من زور
حتى من كرهي لها حافظ وجهها
الظاهر والله اعلم انها مدينيه من الحرة الغربية 
المهم
بعد افلام الكرتون هذي وانا بالسلحفاه هذي صدقيتي في جيبي دايم رحت للفصل ولقيت ابو الشباب ماجد ذا الدبشه بطاقة الروضه حقته مصقتها مع الدريشه الظاهر كان يبي يهرب على باله انه بيقدر يطلع بين الحديد
واحاول اطلع يدي لكن ماش بطه ماينفع<---سابقا ياشيون
الحين وش زين جسمي استوائي
المهم واقعد طول اليوم وانا مشغول بهالبطاقه
راسي ومليون سيف الا اجيبها
اول ماقالو يالله مع السلامه
واتك كفه الين عند الدريشه من برى واجيب البطاقه لابو ماجد يوم جاء ياخذ ماجد البيشي<---بفضحه ذا الغبي 
وهو كان يصيح عند ابوه يقول
اهي اهي اهي اهي بطاقتي ضاااااااااااعت يبه
وتو ابوه يساله وين ضيعتها واجيبها <---مغوار زماني 
ويتشكرلي كتير كتير وقالي شكرا حبيبي<---حبه برص
وعرض علي انه يوصلني<---معصي
يبي يحرمني حق من حقوقي
طبعا الباص مدفوعه له فلوس على بلوشي
يقولي تعال يالله بوديك اقول له لا لا لا
بروح مشي ابي اوسع صدري>>> وادقها كعابي الين البيت
وفي احد الايام انا والشباب والشابات صديقاني حقوني انا<---قلب جنوبي على حجازي (ماله بر)
رحنا نلعب السيارات
وسيارتي مركونه اول الكراج على اليمين وابن امه يلمسها غيري<---معبث فيها
ونطلع نلعب فيها بالساحه وركنت السياره ابي افطر
وشوي الا واسمع صوت ااااااااااااااااااااااااااااااااااي
وتجمعو المدرسات والمديره الشينه ويا ابله خديجه البلهى وياهم
ابي اشوف وش السالفه ماعرفت
وعهود قاعده تصيح واجي واقول وش السالفه وش فيه
قالت ابله ابتسام صدمتها وانا مادري وصب من رجلها دم
هي قالتها ولا ماقالتها
بغى يغمى علي >>>> ابي اشوفها ماقدرت ويشيلونها بالاسعاف وراحت
وتحسرت كثيرا عليها
لكن لازم ارد لها حقها من بنت اللذين عهود ذي
لسببين
1 كسرت رجل احسن ابله بالروضه مقدرتني
2 خلت ابله خديجه تجي بدال ابله ابتسام 
يعني مافيه مطامر على الطاولات ولا هم يحزنون
واجمع الشله
1 بندر
2 ماجد
3 خليفة الراحجي واتفق وياهم على الفسحه الجايه وخططنا على مداهمه عهود
العين بالعين والسن بالسن
والخطه كانت كالتالي
انا بسوق سيارتي البورش واروح اخر الساحه
وهم مهمتهم ياخذون عهود يسولفون في اخر الساحه ويلهونها عشان ماتشوفني جايها مسفط الطبلون<---ياانك نجس وانت صغير
المهم
وصار الشي هذا باليوم الثاني
واجيها ماشي
200000000000000000000000000 وبدون بوري ولا هم يحزنون 
ويوخرون الشباب بسرعه
وعقبها
دبببببببببببببببببببببببببببببببب على كراعينها 
وانزل من السياره واسوي نفسي مادريت
انا اسف وش صار فيتس?
وتجي المديره وتجمعو الابلااات
وشالوها المستشفى وانا اقول في خاطري انشاء الله يحطونها جنب ابله ابتسام عشان تشوفها وتقول الحمد لله الله رجعلي حقي<---تفكير صغير احسب انها تبي الانتقام
المهم تفكير صغار
طبعا جت المشكله
زينب ويا جدايلها الحرير
وتقولي ليش صقعت اختي واقولها ماكنت ادري
بس هي عارفه ذا الشينه اني احب ابله ابتسام وقالت لي لا
انت كذاب
انت قاصدها وسويت نفس اللي سوت هي مع ابله ابتسام
خربتها
قلت ايه
رفعت يدها وطلعت اصبعها
حقت زعيله
هذي الحركه ابوي علمني اياها
يقول كذا كنت اسوي انا واخوايي يومنا صغار قدك وبطريقتي علمتها الحركه
بس استخدمتها ضدي
قبلت بالزعيله
وتوتي توتي خصلت الحتوتي
تراهي قصه صدقيه ولا فيها مبالغه ياجماعة الربع
سلاااااااااااااااااااااااااااااميشن واسف على الاطاله يالشيون
طبعا انا احاول اعطيكم الاحداث كانها في يوم واحد وفي الحقيقه هي في عدة ايام واقول اللي اذكره 
بباااااي يااااغالييين.. ويعطيكم ألف عااافيه على متابعتكم.. ولاتنسووون أخووكم ا ل م ف ق ووو ش والمفقوووشوووااا واحدوااااا المفقوشبمكنسه.. | 
.gif)
.gif){kind=icon}
%%%% الروضه وماادراك مالروضه.. قمة الصرقعه والهبااال.. طفولة المفقوووش %%%% 
العرض العادي
