أبي زوجه ..... بيضاء .... شقراء ....مليانه ... رويانه .....

لالالالالا .......

أبي زوجه ...... دبدوبه ...... فرفوشه .... حلوووووه مووووووووووووووت



يووووووه .... لالالالالا



أبي ... زوجه ..... غنية .... معلمه أو موظفه ....مهرها قليل .. عندها ( سكن )



يالله ..... لالالالالا .. كذا ما يصلح أبد ...



أبي زوجه ..... يتيمه .... ماعندها أم غثيثه و لا أبو غثيث ... ولا عندها أخوات نكااااده



تدرون .....لالالالالالا كلهم مايصلحون .....


أبي زوجه .....من أسرة معروفة .... ومشهورة .... أبوها وأخوانها شخصيات في البلد



يااااربي ....وش ذا الغثى !!!!!


احسن شي ..... ابحث لي عن ( زوجه ) ( تصرف علي ) وتتحمل عني كل شي .. ولا تكلفني بــ( شي ) !!

أتزوجها وهي الآمر الناهي بالبيت ..... كل شي تحت أمرها وشورها .... وأنا ( زوج الست وبس ) !!!!





اسف على المقدمه ( الأولى ) ....... وخلكم وياي مع المقدمه ....( الثانية ) !!!





أبي ... زوج .... حلو مره ... يهبل ..... طول وعرض وجسم رياضي ....أبيه يشبه ( الفنانين واللاعبين المشهورين ) !!!


لالالالا ..عاد ...هذول ما يصلحون .


أبي .. زوج .... أبيض .... عيونه ..زرق .... شنباته ( ذهبيه ) كنه أمريكاني أو أسترالي !!!!!


يووووه ..... بعد هذول ما ينفعون !!!!!


أبي زوج .... وظيفته ..مرموقة .وغني....يدفع مهري 100000 الف وسيارة لأبوي وسيارة لأخوي وبيت لعائلتي ويسدد ديون اهلي و يسفرني بشهر العسل ...لندن وباريس .... وروما .... والخرخير وعقلة الصقور بعد .........!!!


يووووه يااربي وش ذا .....


ياناس ابي زوج .....كلامه حلو ..... وشكله احلى ..... عمره يزيد عن عمري بــ( 3 ) شهور و12 يوم لايزيد ولا ينقص ......!!!


يمكن ما القى .......هالزوج !!!


أجل ... ابي زوج ... دلوع ..... نعومي .... شكله يهبل كنه .... عرايس ( باربي ) أتحكم فيه وأسيطر عليه وكل شي بيدي انا ...واااااااااااااو شحلاتي اتفشخر فيه قدام زميلاتي !!!! خصوصا سيارته اللي لونها ( كستنائي ) أو لونها ( وردي على كاكي ) أو وردي ( فوشي ) يااااي !!!!




الحين ...... بقولكم ... موضوعي ... وتحملوني شوي الله يبارك فيكم .....



المقدمة الأولى .... لنوع من الشباب ...... مواصفات ( زوجة المستقبل ) خيالية وغير واقعية ومافيها شي يوحي بأنه ( رجل ) للزواج ......!!!


المقدمة الثانية .....لنوع من البنات ..... مواصفات ( زوج المستقبل ) خيالية وغير واقعية ومافيها شي يوحي بأنه ( أنثى )) للزواج .....!!!



ياشباب .... يابنات .... ودي أسألكم .......


وش رايكم .... بالبنات .......والشباب ...( المعاقين ) جسدياً .... كــ( المشلولين ) أو الفاقدين نعمة ( البصر ) أو من بهم (عاهات ) ... أمثال من بهم ( عرج ) أو ( حَــوَل ) أو ( تأتأه في النطق ) !!!!


بمعنى ..... هل نوافق على الإرتباط بهم !!!!!

كلكم ... ستقولون ... وتتفلسفون ... وتنمقون إجاباتكم ... ولكنني مقتنع بأنكم ( رافضون ) ذلك الإرتباط كلياً


ولكن ..... لنسأل .....أحد الشباب .....

لو كانت ( أختك ) هي من صنف أولئك ( البنات ) .... المعاقات بشلل أوعمى بصري أو بها عرج أو حَوَل أو تأتأه أو خلافها من العيوب ( الخَلقية ) وليست من العيوب ( الأخلاقية ) .... الا ..تتمنى أن تجد شاباً يقبل بأختك ويكون لها ( زوجاً ) !!!!


وسؤالي ذاته .... لإحدى ....البنات .....

لو كانت ( أخوك ) هو من صنف أولئك ( الشباب ) .... المعاقين بشلل أوعمى بصري أو به عرج أو حَوَل أو تأتأه أو خلافها من العيوب ( الخَلقية ) وليست من العيوب ( الأخلاقية ) .... الا ..تتمنين أن تجدي فتاة تقبل بأخيك وتكون له ( زوجه ) ...!!!



إستمتعوا .... بالموضوع ... وقبل أن تجيبوا عليكم أن تكونوا على قناعة بما أجبتم به ..... لأنني أعرف شيئاً مما ستقولونه !!!
__________________