ــــــــــــــــــــــــــــــــــــــــــــــــــ ـــــ
محشش يسأل واحد: انت اتولدت فين ؟
قال : بالمستشفى
قال المحشش: ليه سلامات كنت عيان ولا ايه ؟
ــــــــــــــــــــــــــــــــــــــــــــــــــ ـــــــــــــــــــــــــــ
واحدة راحت تخطب لابنها .... أم العروسة بتسألها ... ويا ترى ابنك بيدخن ؟؟؟

ردت عليها : لا لا الحمد لله ياختى ، أعوذ بالله ، ابني ما بيدخنشي .. إلا وهوّ سكران !!!!
ــــــــــــــــــــــــــــــــــــــــــــ

واحد محشش ، بيسأل محشش تاني
: تتوقع الجمعة يوافق آخر الشهر ؟
رد عليه : لو ضغطنا عليه يمكن يوافق
ـــــــــــــــــــــــــــــــــــــــــــــ

واحده بَصِّتْ في المرايا و قالت لجوزها : يالهوي أنا بقيت وحشة أوي إيه القرف ده ، ما تقول يا راجل أي حاجة حلوة في حقي ترفع من روحي المعنوية !!!
قالها : ما شاء الله نظرك6/6
ـــــــــــــــــــــــــــــــــــــــــــ
Shahm El Sharif
مرة واحده وحشه أوى أوى
بتقول لجوزها أنت مش هتصلح شباك الحمام كل ما اجى أستحمَّه الجيران تشوفني
قالها : خليهم يشوفوك عشان يصلحوه على حسابهم !!!
ــــــــــــــــــــــــــــــــــــــــــــــــــ ـــــــ
• Shahm El Sharif
مشكلتي بدأت بعد ما صحيت من النوم يوم السبت ليله التلات بعد صلاه الجمعه يعنى تقريبا كده على الساعه 9 الفجر كده ... ...
قومت من النوم اتعشيت و كلتلى فنجان عصير توت و جيت اشغل التلفزيون لقيته مش بيتنفس مع انى لسه مغير مساحات العربيه
و كويت الهدوم وحطيتها فى الفرن قبل ما اصحى قلت يمكن نسيت اسطب ويندوز ولا يمكن الفريون خلص قلت ما بدهاش اتصلت بالحلاق و قلت له التكيف بايظ و انا مش عارف استحمى من بعد ما نمت قالى طب اصبر كده قيمة سبع اربع سنين كده حخلص اللى فى ايدى و اروحلها قالت اشوف حاجه اعملها عبال ما النجار يجى قمت فتحت التلاجه و قعدت اشيت شويه ولسه حفتح المازنجر لقيت جرس البلكونه بيرن رحت امت رديت على التليفون لقيت بنت عمت ام اللى جابت خالت بنت خالتى قاعده روحت بصيت يمين و شمال اصلى بخاف اخبط اى عربيه و انا بعدى الشارع و بعدين حسيت ان هو مش قادر قمت قاعد على الرصيف و شغلت التكيف و طلعت كتاب بوحه من الفريزر و قعدت اشرب لحد ما عطشت بس المشكله دلوقتى انى عاوز اشتى فى موسكو بس مش عارف اتمشاها ولا خطر استلف فلوس عشان أأجّر جمل
و الله حد يقولى اعمل ايه....؟
ــــــــــــــــــــــــــــــــــــــــــــــ
Sondos Abdu
اثنان صعايدة يلعبون شطرنج فقال الأول : قتلتلك الحصان ...
فأستأذنه الثاني قاله 5 دقايق وجاى
ولما جه .....

قاله : هاها .... سممتلك البهايم بتاعتك كلها
ــــــــــــــــــــــــــــــــــــــــــــــــــ ــــــــ

Shahm El Sharif
واحد ماشي على الطريق السريع كل شوية تعدي من جنبه فرخة بسرعة وتسبقه
الراجل استغرب قوي - وقف لقى مزرعة مكتوب عليها مزرعة الفراخ السريعة
راح كلم صاحب المزرعة قاله ايه حكاية الفراخ السريعة دي انا عاوز اشتري جوزين
صاحب المزرعة قاله الفرخة ب 100 جنيه
الراجل : ليه كده
صاحب المزرعة : اصلها فرخة بتجري بسرعة 130 كيلو في الساعة
الراجل انبسط اوي وقاله وعملتم دا ازاي
قاله جبنا خبير اجنبي عمل تعديل في جينات البيضة وخلا الفرخة بتجري بالسرعة دي
قاله يااااااه طيب انا عاوز 10 فرخات
صاحب المزرعة : بس المصيبة ان من ساعة التعديل دا مش عارفين نمسك ولا فرخة !!!!!!
ـــــــــــــــــــــــــــــــــــ

وٓحدة قصيرة سألت زوٓجھآ : أنآ قصيرة ؟

قآلھآ : لا من قآل آلكلام ده ؟

قآلت : ڳل آلنآس تقوٓلي آنآ قصيرة كتير
قآلھآ : آوٓقفي كده أشوٓف ...

وٓقفت وٓقآلت لهَ :اهو رأيك ايه ؟

قآلھا : بلاش أستھبال يلا اوٓقفي كويس وخلصيني .
ــــــــــــــــــــــــــــــــــــــــــــــــــ ــ

شاب راح أتقدم لواحده
ابوها قاله:طب دى مناسبه تاكل فيها لبانه ؟!!
قاله: لازم بعد السيجاره يا عمى ...
ابوها: انت بتدخن !
قاله:على خفيف مع الوسكى
ابوها: و بتسكر كمان !!
قاله:لما العب قمار بس
ابوها: يا نهار إسود .. قماااار !!! ..و من امتى على لحالة دي ؟
قاله: من اول ما خرجت من السجن
ابوها: سجـــــن ؟ ودخلت السجن ليه ؟؟
قاله: قتلت واحد طلبت ايد بنته ورفض
ابوها: ع البركه يابنى نقرا الفاتحة
ــــــــــــــــــــــــــــــــــــــــــــــــــ ــ
Mamdoh Ahmed
واحدة تخينة اوي اوي كل ما تقف على ميزان عشان تشوف وزنها الميزان يبوظ او يفرقع
استوردوا ميزان من بره لما تقف عليه يطلعلك ورقة و يقولك وزنك قد ايه
لما وقفت عليه طلعت ورقة مكتوب فيها.
بالدور يا جماعة واحد واحد ... مينفعش كده
ــــــــــــــــــــــــــــــــــــــــــــــــــ ــــــــــــــــــ

واحدة بتقول لجوزها : انا طالعة عند جارتي 5 دقايق في موضوع صغير

بس متنساش كل نص ساعة تقلب الاكل
ــــــــــــــــــــــــــــــــــــــــــــــــــ ــــــــــــــ

Heba Mahmoud Ramadan
سأل الظابط الجندى
لو شفت دبابة العدو هتعمل ايه ؟
...قال : افجرها ااا

قاله : ولو دبابتين ؟

قاله : افجر الاولى ثم الثانيه ....

قال : ولو 3 دبابات ؟
قاله: اللغم نفسي وافجرهم
قال : ولو 4دبابات
قاله : **** ابو الجيش اللي مفيهوش غيرى !!!!!!!!
ــــــــــــــــــــــــــــــــــــــــــــــــــ ـــــــــــــــــــــ
احمد ابو غليون
واحدة قالت لجوزها عايزين ندبح خروف بمناسبة 25 سنة على جوازنا قام قالها :

و ايه ذنب الخروف فى غلطة ارتكبها واحد **** من 25 سنه !!!
ــــــــــــــــــــــــــــــــــــــــــــــــــ ــــــــــــــــــــــــــــــــ
Adel Meki.

طلع مجموعة صيادين يصطادوا بط ، وكل ما يصطادوا حاجه كلابهم تجري تجيب البطّة ..
ما عدا *** واحد بيخاف من صوت الرصاص ، وما بيتحرّك من مكانه ..
فقالوا لصاحبه خده الأفراح اللي بيحصل فيها ضرب نار كتير عشان يتعود على الرصاص ، وبعد ما اخده لمدة 6 شهور رجع يصطاد تاني
..
أول ما ضرب نار الكلب قعد يزغرط !!!! .
ــــــــــــــــــــــــــــــــــــــــــــــــــ ـــــــــــــــ
جمال البدراوى
امريكى في مصر ركب تاكسي, فالإشارة حمرا راح السواق قطعها
الامريكى قاله انت مجنون اشارة حمرا وتقطعها؟
قاله السواق : ماتخافش انا بروفيشنال
الاشارة التانيه كانت حمرا وقطعها السواق برده
... ...قاله اكيد انت مجنون انت مابتخفش على نفسك واللى معاك ؟!!
... ... قاله : ماتخافش انا بروفيشنال
الاشاره التالته كانت خضراء راح السواق وقف
الامريكى اتجنن وقاله ازاى الاشاره خضرا وتقف؟
السواق قاله .......
يمكن حد بروفيشنال
جاى من هنا ولا هنا
ــــــــــــــــــــــــــــــــــــــــــــــــــ ـــــــــ
Shahm El Sharif
واحد بخيل بقاله 15 سنة بياكل فول بس،

طلعله الشيطان وقاله ابوس ايدك يا تغيّر الفول ، يا تسمي قبل ما تاكل.
ــــــــــــــــــــــــــــــــــــــــــــــــــ ـــــ
Noor Naser
مذيعه بتعمل حوار مع واحد صاحب زريبة رخم
وكان عنده بقرتين واحده بيضه والتانية سوده
فالمذيعه بتسأله : ياترى بتأكلهم ايه ؟
قالها البيضه ولا السوده ؟ قالتله البيضه .. قالها برسيم
قالتله والسوده ؟ قالها برسيم برضو
قالتله و ياترى بتنيمهم فين ؟
قالها البيضه ولا السوده ؟ قالتله البيضه .. قالها فى الزريبة
قالتله طب والسوده ؟ قالها فى الزريبة برضو
المذيعه قالتله انت ليه بتسألنى البيضه ولا السوده مادام بتعملهم نفس الحاجه زى بعض!!!!!
قالها لا ابداً أصل البيضه دى بتاعتى
قالتله طب والسوده ؟ قالها برضو بتاعتى
ــــــــــــــــــــــــــــــــــــــــــــــــــ ـــــــــــــــــــــ
Tarek Abbas
الزوجة (في الموبايل) :انتا فين يازفت ؟
الزوج : انا في مشوار ياحبيبتي
الزوجة : في انهي داهية يعني ؟!
الزوج : فاكرة الجواهرجي اللي شوفتي عنده عقد وعجبك وقولتيلي حموت واجيبه .......
الزوجة : ايوة ياحبيبي ...
الزوج : فاكرة لما قولتلك حجيبهولك بس معاييش فلوس دلوقتي
الزوجة : ايوة ياحياتي ..... فاكرة
الزوج : انا قاعد دلوقتي مع اصحابي عالقهوة اللي في وشه ..!!
ــــــــــــــــــــــــــــــــــــــــــــــــــ ــــــــــــ

Mamdoh Ahmed
شبشب حَمّامِي اتسرق.
..ومسحت دمعي بمنديل ورق
...وكنت خايف وكلي قلق...وهقولها تاني على الملأ
مش انا اللي شبشبي يتسرق...وقلبي عليه يتحرق
شبشبي كان ماركة البطريق...كنت بمشي بيه في اي طريق
وطاري هاخده بأديا...علشان شبشبي غالي عليه
......بالسلاح هاخد طاري...حتى لو كان من جاري
شبشب وارثه من جدودي....هيثم ومودي وبودي
مش ممكن اضيع مجهود جدودي.
.وخاصة جدي بودي
وهقولها تانى على الملأ
شبشب حَمَّامي اتسرق
ــــــــــــــــــــــــــــــــــــــــــــــــــ ـــــــــــــــــــــــــــ

Shahm El Sharif
ﻔﺮﻧﺴﻲ ﺍﻹﺳﺒﺎﻧﻲ ﺍﻹنجليزي ﺍﻟﻌﺮﺑﻲ ﺍﻟﻤﺤﺸﺶ
ﺫﻫﺒﻮ ﺇﻟﻰ ﺷﺎﻃﺊ ﺍﻟﺒﺤﺮ ﻟﻴﺴﺒﺤﻮا
ﻓﻠﻤﺎ ... ﻭﺻﻠﻮ ﻟﻠﺸﺎﻃﺊ
ﺟﺎﺀ ﺍﻟﻔﺮﻧﺴﻲ ﺧﻠﻊ ﻣﻼﺑﺴﻪ ﺍﻟﺨﺎﺭﺟﻳﺔ ، ﻭﻗﺎﻝ : ﺇﻟﻰ ﻓﺮﻧﺴﺎ
ﺛﻢ ﺟﺎﺀ ﺍﻹﺳﺒﺎﻧﻲ ﻭﺧﻠﻊ ﻣﻼﺑﺴﻪ ﺍﻟﺨﺎﺭﺟﻳﺔ ، ﺛﻢ ﺩﺧﻞ ﻓﻲ ﺍﻟﺒﺤﺮ ﻭﻗﺎﻝ : ﺇﻟﻰ ﺇﺳﺒﺎﻧﻴﺎ ﺟﺎﺀ ﺍﻹﻧﻜﻠﻴﺰﻱ ﺧﻠﻊ ﻣﻼﺑﺴﻪ ﺍﻟﺨﺎﺭﺟﻲ،ﺳﺒﺢ ﻓﻲ ﺍﻟﺒﺤﺮ ﻭﻗﺎﻝ : ﺇﻟﻰ ﺇﻧﺠﻠﺘﺮﺍ
ﻭﺟﺎﺀ ﺍﻟﻤﺤﺸﺶ ﺟﻤﻊ ﻣﻼﺑﺴﻬﻢ ﻭﻗﺎل . . . . ﺇﻟﻰ ﺳﻮﻕ ﺍﻟﺠﻤﻌﻪ !!
الموضوع الأصلي: اضحك شويّة مع المصريين ـ || الكاتب: سمسم حسن ||