كابتن شحاته ابقى قابلنى لو وصلنا معاك كأس العالم

--------------------------------------------------------------------------------

كابتن شحاته ابقى قابلنى لو وصلنا معاك كأس العالم

كم اتمنى ان اكون مخطأ ولكن الصورة واضحه جدا
فالشخص الذى لا يتعلم من اخطائة يفشل فى حياته والامم التى لاتتعلم من تاريخها يطلق عليها العالم الثالث اى فى ذيل قائمة الدول

تعالوا نتعلم من تاريخنا
أول انجاز مصرى فى كرة القدم
المركز الرابع فى دورة امستردام الاوليمبيه سنة 1928
والقصة كألاتى :
بعد خسارة الاهلى للمباراه النهائية للكأس السلطانية امام الترسانه التى فازت بالكأس لم يصعد لاعبو الاهلى لاستلام ميداليات المركز الثانى .
فقرر مجلس ادارة الاهلى ايقاف كابتن الفريق (اسطورة الكرة فى هذا الوقت )حسين حجازى لمسؤليته عن عدم صعود الفريق .
طلب اتحاد الكرةمن الاهلى رفع الايقاف عن اسطورة الكرة حسين حجازى حتى يمكن له الاشتراك مع المنتخب فى دورة امستردام فرفض مجلس الادارة لان المبادىئ لاتتجزأ

وسافر الفريق وحقق المركز الرابع فى الدورة لان الاهلى واتحاد الكرة انتصرا للمبادىء (انا عارف حكايةالمبادىء بتحرق دم ناس لكن الحقيقه لابد ان تقال )
طبعا لو دورنا فىقصةاول انتصار هنلاقيه انتصار للمبادىء مش للافراد

تعالوا لقصة تانية فشل مصرى

فى عام 2002 اوقف الاهلى ابراهيم سعيد (وهنا اختلف الموقف ) فأتحاد الكرة وعلى رأسة حرب الدهشورى وابوريده والجوهرى طلعوا بمبدأ المنتخب غيرالنادى (هنعرف بعدين انه مبدأ خطأ) وضموا ابراهيم للمنتخب
وسافر مالى وكانت المفاجأه اللى كلكم عارفينها زادت تجاوزات ابراهيم سعيد وتم ترحيله (بعد ايه)واللى يفقع ليا وليك ولكل المصريين ان المنتخب خرج من دور الثمانيه

يعنى لما المبادىء تتجزأ بتخسر حضرتك وحضرتى وكل المصريين
عارف اوروبا والدول المتقدمه وصلوا ليه واحنا لسه زى ما حنا لان حاجه زى دى مش ممكن تحصل عندهم
ده يقولك كيف ننجح وكيف نفشل


عارف مقوله النادى غير المنتخب معناها ايه

تعالى نتصور اسرة ولتكن اسرة (س) من اب وام وولدين تعيش فى احد قرانا الطيبه وتنتمى لعائله (ص) اللى بتعيش فى القرية برضه لو ولد من من اسرة (س) عمل تصرف مشين تقدر العائله اللى هى (ص)تقول الاسرة غير العائله ولا بتشيل عار الموضوع ده مع الاسرة

تعالوا لتصرفات الكابتن حسن شحاته


تعالوا نشوف تصرفات الكابتن حسن شحاته

اول مبدأ لحسن شحاتة عدم ضم أي لاعب هرب من ناديه ليحترف في أوروبا إلي صفوف المنتخب الوطني .

هو أعلن هذا المبدأ بعد هروب أحمد غانم سلطان وشيكابالا لاوروبا وترك نادى الزمالك
ورغم مطالبة بعض الاعلاميين بضم الاثنين الا أن الغالبيه ايدت الكابتن حسن شحاته فى موقفه تأييدا للمبادىء

طيب لماذا لم يطبق هذا المبدأ على الحضرى
ولا هروب الحضرى مباح شرعا وهروب احمد غانم سلطان وشيكابالا حرام حسب الفتاوى الشرعيه

اصل القصه
انه بعد ان اختار ابن الاهلى (ودى فى مكانها بالضبط لانها بتوريك ان اولاد الاهلى يهمهم مصلحة البلد قبل كل شىء ) الكابتن عصام عبد المنعم اختار الكابتن حسن شحاته لتدريب المنتخب فى نصف الموسم واستأذن نادى المقاولون الذى كان يدربه الكابتن حسن شحاته ووافق نادى المقاولون وتولى منصب المدير الفني للمقاولين مساعده غانم سلطان الذي كان يعمل مدربا عاما مع شحاتة، وكان ابنه كريم حسن شحاتة مقيدا في قائمة المقاولون . وأكمل غانم سلطان باقي الموسم، وبعد انتهاء الموسم لم يقيد غانم سلطان كريم حسن شحاتة في قائمة المقاولون العرب للموسم الجديد لأسباب فنية.

اذا عرفت هذا علمت بالقطع والتأكيد لماذا لم يضم حسن شحاته احمد غانم سلطان وخد شيكابالا فى الرجلين

واذا لم يكن هذا هو السبب الحقيقى فلماذا نسى الكابتن شحاته هذا المبدأ مع الحضرى
عموما هكذا هى الادارة المصرية اللى جايبانا ورا ليس لها مبدأ ثابت
خلى بالك ده عيب الادارة المصريه دايما وبص اى مصنع او فندق كان مديرة اجنبى واصبح وطنى حال الكوسه فيه ايه
خذ كمان تانى

تانى مبدأ الاخلاق اولا
كلنا فاكرين غضب الكابتن حسن شحاته من ميدو لخطأ أخلاقى فى حق شحاته وكيف اوقف ميدو 6 شهور دوليا وكلنا وقفنا مع شحاته

طيب مش كان ممكن نقول ان ده محترف وان الخصم المالى اوجع وان مصر محتاجاه لكن كلنا وقفنا مع حسن شحاته الذى فاجأنا ووقف فى المعسكر الاخر فى موضوع الحضرى

وإلا أين هي هذه الوقفة الأخلاقية مع الخطأ الأخلاقي الذي اقترفه الحضرى؟

ولا ميزان الاخلاق يختلف عندما يكون الموقف مع شحاته يبقى الميزان طابب ولما يكون الخطأ مع مؤسسه مصرية كبرى كالنادى الاهلى يبقى الميزان خفيف

والله ربيتولنا الخفيف

يا أخى يا مصلى هو ربنا ما قالش برضه فى الاية الاولى فى سورة المائده "يا ايها اللذين آمنوا أوفوا بالعقود "

ولا جبتوا فتوى من مفتى زمالكاوى ان ده لا ينطبق على الحضرى

خذ كمان تالت مبدأ

عدم ضم أي لاعب بينه وبين ناديه مشاكل ترسيخا للأخلاقيات.
كلنا فاكرين مشكلة عمرو زكى مع نادى الزمالك فى نهاية 2007 لما حدثت مشكلة كبيرة بين عمرو زكي وأيمن منصور بنادي الزمالك وحذر الكابتن حسن شحاتة عمرو زكي من التمرد على ناديه وطالبه بحل مشاكله مع ناديه وإلا لن يتم ضمه للمنتخب

وأعلن شحاتة عدم ضم أي لاعب بينه وبين ناديه مشاكل ترسيخا للأخلاقيات.




ويوم 15 نوفمبر الماضي لعب عمرو زكي مع الزمالك ضد الإنتاج الحربي في هذا الوقت وقبل هذا التاريخ بدأت مصر مبارياتها بدورة الألعاب العربية واستبعد الكابتن حسن شحاتة عمرو زكي من المنتخب مما يؤكد أن استبعاد عمرو زكي كان فقط لإرضاء لنادي الزمالك ورئيسه ممدوح عباس. فأين كانت مصر يا كابتن شحاته

هذا بعض تاريخ الكابتن حسن شحاته لمن لايعرف
فقد اخبر عمرو زكى بحل مشكله مع ناديه وانه لن يضم أى لاعب له مشاكل مع ناديه وهو ما اتخذ عكسه تماما مع الحضرى.
ولى سؤال هل المبادىء حسب المقاس ام بالاهواء الشخصيه ام حسب لون الفانله ؟

وهذا يذكرنا بمن نادوا بفصل النادى عن المنتخب وقالوا ان الحضرى اخطأ مع نادية ولم يخطىء مع المنتخب

وهذا عين الخطأ فهل عندما قال ربنا تبارك وتعالى فى أول آية من سورة الانعام "ياأيها اللذين آمنوا أوفوا بالعقود "حدد ان هذه الايةتنطبق على المنتخب ولا تنطبق على النادى
ولا النادى غير المنتخب خصوصا لما يكون النادى هو الاهلى

وهل الحضرى مختلف عن عمرو زكى يا شحاته ولا نادى الزمالك هو المنتخب

طبعا المقوله اللى مالهاش معنى النادى غير المنتخب طبعا لا لآن المبادىء لا تتجزأ كما نرى فى الدول التى نقول عنها متقدمه
بل هناك المزايدون اللذين يقولون الاهلى مش هو مصر طب وحسن شحاته لمل غلط فيه ميدو كان مصر
والنبى بلاش الكيل بمكيالين عشان نوصل لكاس العالم لو فعلا .... فعلا ....عايزين نوصل
لا الاهلى مصر ولا شحاته مصر ولكن يجب دائما عدم الكيل بميكيالين

نيجى بأه للطامه الكبرى فاكرين طبعاكيف التف الجمهور حوالين المنتخب منذ 2006 وحتى الان طيب ده مالوش ثمن دى لمة الجمهور دى كانت امل لاى مدرب درب المنتخب
طب عشان ارضى لاعب واحد افركش اللمه حوالين المنتخب واضحى بالجمهور ...... والام والجنين بالمره

طيب القائد اللى يعمل كده عاوز يوصل كاس العالم .....يا عالم !!!

واللى يفقع واحد يطلع يقولك الحضرى نص الفريق لا يا بابا الجمهور هو نص الفريق ودعوات الجمهور يابابا هى اللى خلت كورة احمد فتحى تخبط فى الدفاع وتخش جون بغرابه ودعوات الجمهور برضه هى اللى خلت كورة ابوتريكه (فىال*** يارد)قدام الارجنتين تطلع بره
كابتن شحاته النهاره نص مصر بتدعى عليك بدال ما كانت كل مصر بتدعيلك

كابتن حسن، لو سمحت لاتسير في الطريق المظلم الذى سار فيه محمود الجوهري من قبل وخسر فيه الكثير، لقد صنعت شرخا كبيرا بينك وبين شريحة كبيرة من جماهير الكرة المصرية، هذه الجماهير التي كانت جميعها مجتمعة ورائك من أجل منتخب مصر وكانت تصلي جميعها من أجل منتخب مصر وترفع اكف الضراعه الى الله داعية لك ولرجالك
وقد استجاب الله لدعائها وحياة كورة احمد فتحى اللى خبطت فى الباك ودخلت جون وحياة كمان الكورة اللى خبطت فى صدر عمر زكى .... وانقلب الامر فىمباراة الارجنتين وحياة كورة ابو تريكه .


كابتن شحاته
لو سمحت نريد اجابة لهذه الاسئله
ما هو موقع الاهلى فى تصنيف الفيفا وما هو موقع سيون وهل له وجود فى تصنيف الفيفا؟
ونغالط ونقول ان احنا بنشجع الاحتراف ولا بنشجع ما نظن انه هدم للاهلى
ما بلاش نضحك على بعض

هل صحيح انك اتفقت مع ممدوح عباس لتدريب نادى الزمالك بعد الدورة الافريقيه لعدم ثقتك فى الفوز وانه لماجائت الفرصة للحضرى فى غانا .اردت هدم الاهلى وشجعته على هذا الفعل وانك لاتستطيع الان التراجع حتى لا يفضحك الحضرى
لقد قلت فى البيت بيتك ان العرض جاء للحضرى فى غانا وانه اخبرك به كما قال الحضرى انك تعلم كل شىء وفى هذا الكفايه

فهل كنت المحرض الأول له على الهروب؟.
كيف تبرر اصرارك على ضم الحضرى رغم الاحتقان الكبير بين جماهير الاهلى وتضحيتك بلمة الجماهير حول المنتخب ؟
هل كان ضم الحضرى لمضاعفة ردود الافعال الغاضبه بين جماهير الاهلى لخدمة قضية سيون واثبات اضطهاد الحضرى ؟