| اوعي تخطب واحده شعرها طوييل
وقعت على (مزة) جامده ؟ ناوي تخطبها؟ استني يامسكين ياغلبان..هي شعرها طويل ولا قصير ؟
اذا كان طويل يبقي احسن لك ترجع في كلامك وتخلع من الموضوع,انا هقولك ليه ؟
اولا: لما يبقي شعرها طويل وناعم هتخرب بيتك وتقولك اشي شامبوهات ولوسيونات وحبشتكانات علشان تحافظ على طعامه شعرها.
اما اذا كان طويل وخشن يبقي قول على جيبك يارحمن يارحيم لان بالاضافه الى الشمبوهات هتحط البلسمات وحمام الزيت والكريمات واوي ((بيوتي سنتر )) يعلن عن علاج للشعر((الاكرت))هتلاقيها بتجري تشتريه.
ده غير انك هتروح البيت هتلاقيها مخلصه البيض والجرجير وزيت الزيتون والعسل الابيض على الوصفات الطبيعيه اللي بتعملها في شعرها .
ثانيا:الميه السخنه هتخلص من السخان قبل ماتاخد انت الدش بتاعك ,وكل ماهتناديها هتلاقيها بتقولك انا باشطف البلسم,انا باشطف حمام الكريم,واحتمال انها تنشف ميه النيل وهي بتغسله.
ثالثا:الكهرباء فاتورتها هتجيلك مولعه نار بسبب الاستشوار اللي حضرتها بتقعد تعمله اكتر من ساعتين,والسخان اللي بيفضل مولع ليل نهار لحساب شعرها وانت ياغلبان يامسكين عمال تكع الساعه ب 5 جنيه .
رابعا:تبقي ليله سوده لو كان عندكم فرح او مناسبه لانها هتقول لك اروح للكوافير وطبعا مش هتدفع زي باقي الناس لان شعرها طويل يعني لو الراجل بياخد 30 جنيه على الراس هياخد من مراتك 50 جنيه ويبقي اتخرب بيتك لو كانت عايزه تعمل (موزمبليط) يعني (فورمه) لانها مش هتدفع اقل من 100 جنيه,ده لو كان عند كوافير غلبان اما لو كوافير من اللي بيطلعوا في التليفزيون يبقي بيتك اتخرب ياجميل .
خامسا:هتتعبك نفسيا لان لو شعره واحده وقعت من راسها هتقول لك اهلك حسدووووني وتفضل تعيط وتنوح وتشد في شعرك وتخليك تاخدها من شيخ لشيخ علشان يرقوها ويحصنوها.
سادسا:هتتعبك جسديا لانك هتلاقي شعرها في كل حته في هدومك وفي اكلك واحتمال بعد كام شهر تروح المستشفي ويلاقوا انك عندك حصوه من الشعر اللي متجمع في معدتك .
سابعا:هتعمل اشتراك شهري عند السباك علشان ييجي يفتح المجاري المسدوده بشعرها المصون.
مش بقولك فكك من الربطه السوده دي وخد لك واحده شعرها زي شعركBig SmileBig SmileBig Smile !!
اوعاكم تسمعوا الكلام ده وطبعا الراجل مابيعجبهوش غير الشعرWinkWinkWink الطويل |
اوعي تخطب واحده شعرها طوييل 
العرض العادي
