قصة المرحوم (الديك المرحوم ديك الاستراحة)قصة محزنة جدا ومضحكة جدا

--------------------------------------------------------------------------------

هذا ديك جانا عن طريق زوج خالتي هذا الديك كان لولده وولده مايبيه لان ابوه جاب الديك وهو صغير وماعليه ريش واستنكر شكله وحطوه في الاستراحة ويوم مرة الايام وكبر كبر حبنا معه وهو يحب يلعب مع البزران(الاطفال) ويلحقهم لين يتعب ويتعبون ويوم جو مستاجرين جابو معهم بزرانهم والديك على نياته يحسبهم انا ويوم لحق بزرانهم صراخ وصيحة ويوم دق علينا الحارس قال( هازا ديك سوي مشكل كبير هزا بزوراة روه مناك مناك )وقلناله طيب طيب جايين و الديك ما خلاهم يرتاحون مره على البزران ومره على الحريم ومره على الشغالات ويوم راحو المستاجرين فصلناله شبك كامل تخيلو من حبنا له فصلناله شبك كامل وجو المستاجرين والمستاجرين طولو لين الساعة ال6 ويوم جا وقت اذان الدياكه صجهم كوكوكوكووووووووووكوكوكوكوكككوكو وصجهم ويوم راحو حطينا شبكه برا يعني يسمعون بس صوت خفيف شوي ويوم دق علينا الحارس قال(هزا كلب سوي مشكل كبيرررر مرره )وقلنا طيب طيب جينا ويوم جينا لين الكلابه مستنكرين الديك برا هو شبكه ونباح وه وه وه وه وه ويوم راحو المستاجرين قلنا ايه يله الحين الكلاب راحو مع ابوي للقنص ويوم رحت اشيك على الاستراحة ولقيت الحارس يشوي قلت وش تشو ي قال(هزا كوكوكوكوهزا ريها كويس مرره) قلت الله ياخذ وجهك قل امين يابو فسيه يا ابو هنود يالله انقلع عن وجهيوصار يوم الحزن لنا وللبزران