والله والله لو يدري بحبي له
.. ان كان تبكي عيونه مثل ماأبكاني
ياما تمنت عيوني شوفته ليله
.. وياما خياله بتالي الليل صحاني
كنت أحسب أنه يزيح الهمّ ويشيله
.. ماكنت احسبه يزيد هموم وجداني
وشلون يسطي على جرحي وانا اويله
.. وشلون يقسى عليّ ويتحداني
ضحيت لجله ولكن مابيدي حيله
.. خلاني اشكي من الهجران وأعاني
ويله من الله على اللي صار ياويله
.. وشلون قلبه يطيعه ويتناساني

انا أتحداك إذا تقدر تجافيني
هذا الطريق وتفضل ورني فعلك
أدري ملكتك تموت ولا تخليني
العام بعضك معي واليوم لي كلك

سهيت عنك وكنت أرتب شموعي .
وادري بيحرجني معك .. لاتباطاك

علمي "بقلبي" يوم ودع ضلوعي .
أبسألك بالله . للحين "ماجاك" ؟؟؟؟