بسبوسة الاميره الفاخره


--------------------------------------------------------------------------------



المقادير:
5حبات بيض
300 جرام عجينة الكنافه
1 كوب حليب بودره
1 كوب زيت نباتي
2 كوب سميد
1\2 1 ملعقه كبيره بيكنج بودر
1 كوب فستق حلبي مفروم خشن
1 كوب سكر
ملعقة صغيره هيل(بهار) بودره
رشة زعفران
اصبع كامل زبده
1 كوب لوز مجروش
شيره (قطر)

الطريقه:

نكسر البيض في الخفاقه ونحط عليه السكر ونخفق لمن يتجانسون ومن ثم نحط الزيت شوي شوي بعدين نضيف الهيل والزعفران ونوقف الخفق شوي ..

المرحله الثانيه:

نحضر وعاء ثاني ونحط به السميد ونحط عليه الحليب والبيكنج بودر ونحط ملعقه ملعقه فوق الخليط اللي في الخفاقه مع استمرار الخفق
اللحين نجيب عجينة الكنافه ام شوشه طبعا قلنا ناخذ النصف بس ونحط اصبع الزبده عليه ونعجنهم مع بعض لين تذوب الزبده (يعني نفرك الزبده والكنافه مع بعض) بعدين ناخذ نصف الكنافه اللي فركناها بالزبده ونحطها في صينيه بايركس متوسطه ونحط عليها نصف الخليط اللي بالخفاقه وناخذ الفستق ونحطه فوق الخليط يعني بالطبقه الثالثه وفوق الفستق نحط اللوز

ونضرب الصينيه بالارض علشان نساويهم مع بعض وبعدين ناخذ باقي الكنافه ونحطه فوق اللوز وناخذ باقي الخليط ونحطه فوق الكنافه ونضرب الصينيه مره ثانيه ومن ثم نكون طبعا محمين الفرن مسبقا وندخلها الفرن حراره متوسطه من تحت

ولما تشوفين انها اخلصت من تحت شغلي الفرن من فوق بس انتبهوا اذا حطيناها فوق على طول تحترق ما تبيلها وقت انتظري عندها شوي بعد ماتستوي وتخلص نطلعها ونقطعها مربعات بعد ماتبرد نحط عليها الشيره علشان لما تكون مقطعه يدخل القطر داخل,, حطي قطر لين تشوفينها متشربه ومليانه واخر شي زينيها بالفستق

وبالهناء والعافيه...